Yaxshi rezyumening xususiyatlari: oʻzingizni tekshiring!

Tuzilmalilik

Rezyumedagi barcha maʼlumotlar tartib bilan taqdim etilishi kerak.

Tanlov

Kasbiy tajribangizni tahlil qiling va undan siz daʼvogarlik qilayotgan lavozimga mos keladigan jihatlarni tanlang. Ushbu oʻziga xos fazilatlar/koʻnikmalar/yutuqlar/tajribaga tavsifiga eʼtiboringizni qarating.

Xolislik

Tajriba va koʻnikmalarni tavsiflashda haqiqat va realikka sodiq qoling. rezyumeda koʻrsatilgan hamma narsani asoslashga tayyor boʻlishingiz kerak.

Qisqalik

Rezyumening uzunligi ikki varaqdan oshmasligi, shuning uchun maʼlumot qisqacha taqdim etilishi kerak, bunda ish beruvchi uchun eng muhim bandlarga eʼtibor qaratiladi.

Aniqlik

Rezyume raqamlarni yaxshi koʻradi! Quyidagicha yozmasligingiz kerak: Men tezda yangi bilimlarni oʻrganaman. Quyidagicha yozishingiz kerak: 2 hafta ichida yangi koʻnikmalarni oʻzlashtirdim.

Faollik

Ezmalik qilmang va nofaol gaplardan saqlaning. Harakat feʼllari yordamida erishilgan natijalarni taʼkidlab oʻting. Quyidagicha yozmasligingiz kerak: loyihani amalga oshirish uchun javobgar edim. Quyidagicha yozishingiz kerak: loyihani 1 sentyabrgacha yakunladim.

Pozitivlik

Axborotni taqdim etishda ijobiy usulni tanlang, yutuqlaringizga eʼtibor qarating. Quyidagicha yozmasligingiz kerak: ... boʻyicha shikoyatlar bilan shugʻullanganman Quyidagicha yozishingiz kerak: ... boʻyicha muammolarni hal qilishda mijozlarga faol yordam berganman.

Rezyume yozishda va orzu qilgan kasbingizni tanlashingizda omad tilaymiz!